محدا مرتاح بها الدنيا

اه محدش مرتاح فى الدنيا

بس ليه محدش مرتاح .. ايه اللى تاعبنا

تفتكروا لاننا مش راضين عن حالنا اللى هو احسن من غيرنا بكتيييييييير

ولا لان هو البنى ادم طماع ومافيش حاجة بترضيه

مش عارفة ..انا نفسى مش عارفة ايه سبب عدم راحتى فى الدنيا

حد فيكو عارف سبب تعبه

طيب واللى عارف مابيحاولش يعمل الللى يخليه يرضى ويرتاح فى الدنيا ليه ؟؟؟

سبحان الله علينا بجد

قضاء وقدر ..

النهاردة كنت راكبة فى ميكروباص وكان صادف ان راكب معايا دكتور الهى ربنا ينتقم منه بجد

عمال يتمنظر من ساعة ماركب الميكروباص وكان الدنيا مافيهاش غيره دكتور

كل ده واستحملته وساكتة وانا هاتشل

بجد خلانى خلاص نفسى اقوم اديله بالبوكس فى وشه اقلبله عينه الخضرا دى زرقا

المهم شويتين وجاله تليفون طبعا على الموبايل ماهو محدش شايل موبايل غيره

البيه كان بيتكلم مع دكتور تانى

نص المكالمة بالظبط

احنا هنعمل العملية للراجل ده

بكرة ( عمليه بتر على فكرة )

التانى بيقوله ماينفعش ده عنده السكر ومش متظبط ماينفعش يتعمله العملية بكرة

يقوم يقوله ايه انا مش فاضيلكم انا مستشفى مش عارف ايه وقال اسمها بس علشان مايبقاش اعلان مش هاقول

بعتتلى ومش هينفع اتاخر عليهم

بص احنا هنعملها وهيموت لانها مش المفروض تتعمل وهنقول قضاء وقدر

اقسم بالله العلى العظيم ده اتقال بالنص كده مش عايزة اقولكم انا والناس كنا عايزين نعمل فيه ايه

عن نفسى كنت عايزة احطه تحت المكيروباص وادوس عليه لحد ما اهرسه يعنى البيه هيدمر بكرة عيله بحالها

بكره البيه الدكتور هيقتل نفس

وعادى بعدها كلم الدكتورة فلانة والدكتورة علانة وهزار وضحك ولا على باله

انه بكره هيتسبب فى الم كام شخص عادى بقه وايه يعنى

لا وال ايه بعد شوية جاله تليفون تانى من واحد تانى دكتور بردو على اساس

انه وزير الصحة بيساله يكتب دوا لفلان ايه مريض تانى

كان دكتور اكبر منه استاذه على حد قوله كتبله دوا معين فبيقوله بص ده

غلط اصرفله كذا وكذا ولو مات هنعمل ايه بقه هيبقى قضاء وقدر

ويعنى جت على دى ماهومن امبارح المفروض كان يتعلقله جلوكوز

ومحدش علقله حاجة شكله ليه عمر وهيعيش

انا عايزة افهم ده جنسه ايه ؟؟

ده بنى ادم استحالة وهى خلاص بقت حياتنا كده سهلة اوووى عليهم

ياربى انا لو هاموت مش داخلة مستشفيات ولا رايحة لدكاترة

ماهو انا لو ربنا كاتبلى اعيش هاعيش

لكن اموت ويبقى السبب قضاء وقدر لا معلش

هو انت ليه مش قلتلى بحبك لحد دلوقتى ؟؟

ده سؤال وجيه ومنطقى جداااااااا

ممكن واحدة تسأله لواحد هى

عارفة ومتأكدة مليون فى المية انه

بيحبها بس أخينا مركبلها وش

العبيط وعامل مكسوف او ممكن

يكووووووووون ... ممكن


يكون ايه ؟؟

ده اللى هاموت واعرفه

احم احم

دخلت عليكوا كده من غير مقدمات

اصل الموضوع مش محتاج مقدمات

عادى انتى شايفة ان فى واحد بيحبك وخلاص عايز يقولها بس ساكت

تفتكرى هتقدرى تسأليه

هو انت ليه ماقولتليش بحبك لحد دلوقتى ؟؟

ولا هتخافى ؟ وهتخافى من ايه ؟

مانتى ماقولتيش ان انتى بتحبيه انتى بتحرجيه هو وبتقوليله انت ليه ماقولتهاش لحد دلوقتى

يعنى انا فاهمة بس سيباك بمزاجى هع

اقولك انا بقه انتى خايفة من ايه .. ممكن تكونى خايفة انه يقول عليكى جريئة

مش عارفة هو ممكن يكون تصرف جرئ فعلا من بنت بس متهيألى ان لو هو راجل يستاهل

وشايفة انه لو فضلتى ساكتة هيضيع منك يبقى يستاهل تضحى

واكيد لو بيحبك هيفهم انها مش جرأة اوى يعنى

والله اناقريت حكاية كده بجد حصلت

وعادى الراجل فهم مراته دلوقتى يعنى وقالها لو مكنتيش سألتينى السؤال ده

مكناش بقينا دلوقتى لبعض

اقولكم ع سر انا مش مقتنعة .. اصل هما الاتنين مكتوبين لبعض حتى لو مكنتش قالت

بس زى مايقولوا للموت اسبابه ههههههه


خلاص كده انا خلصت كلامى مع البنات نيجى بقه للشباب

افرض مثلا مثلا يعنى انك فى يوم واقف مع اللى بتحبها ومخبى عليها ههههههههه ولاقيتها بتقولك

هو انت ليه ماقولتليش بحبك لحد دلوقتى ؟؟

ان انننننن انننننن

موسيقى تصويرية

هتعمل ايه ؟ هترد تقول ايه ؟

وغير ده كله رأيك فيها ايه بقه ؟

ولو فعلا بتحبها هتغير فكرتك عنها

وتصرف نظر ولا ايه ؟

وليه هتصرف نظر وليه مش

هتصرف ؟؟

وبما ان الحب عندى نهايته جواز

هتفضل هى اللى انت شايفها ام

اولادك وزوجتك وتتمسك بيها

ولا خلاص بقه هتفكك منها ؟؟

وفى سؤال بجد خانقنى اوى عايزة

اعرف اجابته

ايه اللى بيسكتكوا ليه بتبقوا واكلين

سد الحنك هههههههههه ؟؟

يارب حد يجاوبنى يارب قولوا معايا ياااااااااااااارب

منورين يا مسكرين .. معلش المدونة لسه فاضية ومش متنظمة ادينى بشتغل فيها اهو
بس مش صابرة مانزلش بوست بصراحة
عايزة بس اوضح حاجة كل الناس اللى زى السكر اللى اتشرفت بدخول مدوناتهم وحطيت اسمائهم هنا
انا بعتز وبتشرف بجد انى عرفتهم ..وانى بقرأ لهم

ويمكن ليهم الفضل فى انى ادخل عالم التدوين ولو انى ماليش فى كتابة الشعر والخواطر
بس بحتاج افضفض كتير مع ناس تكون فهمانى او فى نفس درجة تفكيرى وان كانوا احسن منى بكتيييييييييير حقيقى
وهما اساتذتى فى الدنيا دى وبجد بشكرهم من كل قلبى ع كل لحظة استمتعت بيها معاهم
ترتيب المدونات سامحونى فيه فى ناس مكنتش لاقية اللينكات بتاعتهم
بسبب تغير الويندوز ع جهازى
فاللى كنت بالاقيه بحطه فى ساعتها
الترتيب مالوش اى دعوة بالافضلية بالنسبة لى كلكم بجد بعتز بيكم وكلكم فى مكانة واحدة فى قلبى
ربنا يكرمكم ويوفقكم ودايما يجمعنا كلنا فى الخير ويجمعنا فى الاخرة تحت ظله يارب اللهم امييييييييين
ودلوقتى اسيبكم مع وجع الدماغ وبوستاتى المتواضعة .

اتمنى تقضوا احلى واطعم اللحظات مع

سكر هانم

مسائكم احلى من السكر

يسعد مساء كل المسكرين اللى مشرفنى

واللى هيشرفونى ان شاء الله

المفروض انى اعمل بوست علشان اشوف التعديلات بتاعة المدونة

وبما انى مش مستعدة دلوقتى لاى حاجة فقلت ابعت البوست ده

على ماتفرج

نورتونى مقدما

واتمنى يارب ان سكر هانم تعجبكم